2Panel Cynghori ar Amaethyddiaeth CymruLL+C
(1)Rhaid i Weinidogion Cymru, drwy orchymyn, sefydlu panel a elwir Panel Cynghori ar Amaethyddiaeth Cymru (“y Panel”) i gyflawni’r swyddogaethau a restrir yn is-adran (2).
(2)Y swyddogaethau yw—
(a)hybu gyrfaoedd mewn amaethyddiaeth;
(b)llunio gorchmynion cyflogau amaethyddol ar ffurf ddrafft, ymgynghori ar y gorchmynion hynny a’u cyflwyno i Weinidogion Cymru i’w cymeradwyo;
(c)cynghori Gweinidogion Cymru ar unrhyw faterion eraill sy’n ymwneud â’r sector amaethyddol yng Nghymru sy’n ofynnol gan Weinidogion Cymru;
(d)unrhyw swyddogaethau eraill a bennir gan Weinidogion Cymru yn y gorchymyn.
(3)Mae’r Panel i gynnwys—
(a)aelod i gadeirio’r Panel, a
(b)o leiaf 3, ond dim mwy na 10, aelod arall.
(4)Wrth arfer unrhyw swyddogaethau mewn perthynas ag aelodaeth y Panel, rhaid i Weinidogion Cymru geisio sicrhau bod yr aelodaeth—
(a)yn cynnwys personau â’r sgiliau a’r arbenigedd sy’n angenrheidiol er mwyn galluogi’r Panel i gyflawni ei swyddogaethau yn effeithlon ac yn effeithiol, a
(b)yn adlewyrchu buddiannau pob rhan o’r sector amaethyddol yn ddigonol.
(5)Caiff Gweinidogion Cymru, drwy orchymyn, wneud darpariaeth—
(a)ynghylch cyfansoddiad a thrafodion y Panel;
(b)ynghylch penodi aelodau i’r Panel;
(c)ynghylch pwerau cyffredinol y Panel;
(d)sy’n ychwanegu at swyddogaethau’r Panel, yn eu diwygio neu yn eu dileu.
(6)Cyn gwneud gorchymyn o dan yr adran hon rhaid i Weinidogion Cymru ymgynghori ag unrhyw bersonau sy’n briodol yn eu barn hwy.
Gwybodaeth Cychwyn
I1A. 2 mewn grym ar y Cydsyniad Brenhinol, gweler a. 19