158Datganiad ffug sy’n darbwyllo’r landlord i wneud contract i’w drin fel tor contract
This section has no associated Explanatory Notes
(1)Os yw’r landlord o dan gontract meddiannaeth yn cael ei ddarbwyllo i wneud y contract drwy ddatganiad ffug perthnasol—
(a)mae deiliad y contract i’w drin fel pe bai wedi torri’r contract meddiannaeth, a
(b)caiff y landlord, felly, wneud hawliad meddiant ar y sail yn adran 157 (tor contract).
(2)Mae datganiad ffug yn berthnasol os caiff ei wneud yn fwriadol neu’n fyrbwyll gan—
(a)deiliad y contract, neu
(b)person arall sy’n gweithredu ar symbyliad deiliad y contract.
(3)Mae’r adran hon yn ddarpariaeth sylfaenol sydd wedi ei hymgorffori fel un o delerau pob contract meddiannaeth; mae adran 20 yn darparu—
(a)bod rhaid ymgorffori’r adran hon, a
(b)na chaniateir ymgorffori’r adran hon ynghyd ag addasiadau iddi.