5(1)Caiff Cymwysterau Cymru ddiwygio neu ddirymu amod arbennig.
(2)Os yw Cymwysterau Cymru yn diwygio neu’n dirymu amod arbennig, rhaid iddo—
(a)hysbysu’r corff o dan sylw am y diwygiad neu’r dirymiad, a
(b)pennu pa bryd y mae’r diwygiad neu’r dirymiad i ddod i rym.
(3)Rhaid i’r dyddiad a bennir o dan is-baragraff (2)(b) beidio â rhagflaenu’r dyddiad hysbysu o dan is-baragraff (2)(a).
(4)Mae’r paragraff hwn yn ddarostyngedig i baragraff 11 (diwygio amod capio ffioedd).