Adran 1 – Dyletswydd i ddarparu systemau llethu tân awtomatig
3.O ran gwaith i godi adeilad i’w ddefnyddio’n breswylfa, gwaith i adeilad presennol neu ran ohono i’w drosi i greu un breswylfa neu fwy, neu waith i breswylfeydd presennol i’w his-rannu neu eu cyfuno, ceir dyletswydd i ddarparu ym mhob preswylfa system llethu tân awtomatig sy’n gweithio’n effeithiol ac sy’n cydymffurfio ag unrhyw ofynion y caiff Gweinidogion Cymru eu rhagnodi mewn rheoliadau.
4.Ni fydd y ddyletswydd hon yn gymwys i waith adeiladu a wneir er mwyn cyflawni un o swyddogaethau Gweinidog y Goron, na phan fydd rheoliadau adeiladu yn gosod gofynion sy’n ymwneud â darparu systemau llethu tân, na phan fyddant yn gymwys felly ond am gyfarwyddyd o dan adran 8 o Ddeddf Adeiladu 1984 i hepgor y gofynion hynny.