Rheoliadau Addysg (Gwybodaeth am Ddisgyblion Unigol) (Cymru) 2007

(Rheoliad 2)

ATODLEN 1DIRYMIADAU

(Rheoliad 4)

ATODLEN 2Darparu Gwybodaeth am Ddisgyblion Unigol

RHAN 1

Pob Disgybl

1.  Yr wybodaeth ganlynol am y disgybl—

(a)Rhif unigryw cyfredol y disgybl ac, os bu gan yr ysgol rif unigryw blaenorol ar gyfer y disgybl hwnnw, y Rhif blaenorol;

(b)cyfenw;

(c)enw cyntaf y disgybl, neu bob enw cyntaf os oes mwy nag un;

(ch)enw canol y disgybl, neu bob enw canol os oes mwy nag un;

(d)rhyw;

(dd)dyddiad geni;

(e)grwp ethnig;

(f)hunaniaeth genedlaethol;

(ff)dyddiad derbyn y disgybl i'r ysgol; ac

(g)grŵp blwyddyn y Cwricwlwm Cenedlaethol yr addysgir y disgybl ynddo.

2.  Cod post y cartref lle y mae'r disgybl fel arfer yn preswylio.

3.  A gafodd yr wybodaeth am grŵp ethnig a hunaniaeth genedlaethol y disgybl a ddarparwyd yn rhinwedd yr Atodlen hon ei darparu gan—

(a)y disgybl;

(b)rhiant;

(c)yr ysgol;

(ch)ysgol flaenorol; neu

(d)unrhyw ffynhonnell arall.

4.  Pa mor rhugl yw'r disgybl yn y Gymraeg.

5.  A yw'r disgybl yn astudio'r Gymraeg fel iaith gyntaf neu fel ail iaith.

6.  A gafodd yr wybodaeth am lefel rhugledd y disgybl yn y Gymraeg a ddarparwyd yn rhinwedd y Rhan hon ei darparu gan—

(a)y disgybl;

(b)rhiant;

(c)yr ysgol;

(ch)ysgol flaenorol; neu

(d)unrhyw ffynhonnell arall.

7.  A yw'r disgybl yn astudio unrhyw bwnc, ac eithrio'r Gymraeg fel iaith gyntaf neu fel ail iaith, drwy gyfrwng y Gymraeg.

8.  A yw'r disgybl, yn unol ag adrannau 512(3) a 512ZB o Ddeddf 1996(1), wedi gwneud cais am gael prydau bwyd am ddim yn yr ysgol ac wedi ei gael yn gymwys.

9.  A oes gan y disgybl anghenion addysgol arbennig ac, os felly, cadarnhad ynghylch—

(a)prif angen y disgybl ac unrhyw angen eilaidd a nodwyd;

(b)pa lefel a pha fath o ddarpariaeth anghenion addysgol arbennig, sy'n rhan o'r ymagwedd raddedig a fabwysiadwyd yn unol â “Cod Ymarfer Anghenion Addysgol Arbennig Cymru”, a gyhoeddwyd o dan adran 313 o Ddeddf 1996 ac a ddaeth i rym ar 1 Ebrill 2002, sy'n cael ei gwneud i'r disgybl hwnnw; ac

(c)y cymorth a ddarperir.

10.  Pan yw'r disgybl, hyd eithaf gwybodaeth y corff llywodraethu, yn blentyn sy'n derbyn gofal gan yr awdurdod lleol, y ffaith honno ac enw'r awdurdod lleol hwnnw.

11.  A yw'r disgybl, hyd eithaf gwybodaeth y corff llywodraethu, wedi bod yn blentyn sy'n derbyn gofal gan yr awdurdod lleol tra bu ar gofrestr yr ysgol, ac, os felly, enw'r awdurdod lleol yr oedd y disgybl yn derbyn gofal ganddo yn fwyaf diweddar.

12.  Yn achos ysgol arbennig nad yw'n ysgol arbennig a sefydlwyd mewn ysbyty a yw'r disgybl yn byrddio yn yr ysgol ac, os felly, a yw'r disgybl yn byrddio am saith noson yr wythnos neu am lai na saith noson yr wythnos.

13.  A yw'r disgybl yn ddisgybl cofrestredig mewn ysgol neu mewn mwy nag un ysgol ac, os yw'r disgybl wedi ei gofrestru'n ddisgybl mewn mwy nag un ysgol, a yw'r wybodaeth amdano yn cael ei llunio gan yr ysgol y mae'r disgybl yn ei mynychu am y rhan fwyaf o'i amser.

14.  A yw'r disgybl yn ddisgybl rhan-amser ac, at ddibenion y paragraff hwn, ystyr “rhan-amser” (“part-time”) yw bod y disgybl yn mynychu llai na deg sesiwn ysgol mewn unrhyw wythnos pan fydd yr ysgol yn cyfarfod.

15.  Yn achos ysgol nad yw'n ysgol arbennig, a yw'r disgybl yn cael addysg—

(a)mewn dosbarth meithrin;

(b)mewn dosbarth arbennig a ddynodwyd felly gan yr awdurdod addysg lleol neu a drefnwyd felly gan yr ysgol; neu

(c)mewn dosbarth prif ffrwd nad yw wedi ei ddynodi'n ddosbarth arbennig gan yr awdurdod addysg lleol neu wedi ei drefnu'n ddosbarth arbennig gan yr ysgol.

16.  Cyfanswm nifer y canlynol—

(a)sesiynau ysgol yn ystod y flwyddyn ysgol pan oedd y disgybl yn ddisgybl cofrestredig yn yr ysgol;

(b)y sesiynau ysgol hynny yn ystod y flwyddyn ysgol y gwnaeth y disgybl eu mynychu; ac

(c)nifer yr absenoldebau a awdurdodwyd a'r absenoldebau nas awdurdodwyd ar gyfer y disgybl.

RHAN 2

Disgyblion Chweched Dosbarth

1.  Yr wybodaeth ganlynol am bob person sydd yn ddisgybl chweched dosbarth yn yr ysgol neu a oedd yn ddisgybl chweched dosbarth yn yr ysgol ar unrhyw adeg flaenorol yn ystod y flwyddyn ysgol y gwnaed ynddi'r cais am wybodaeth—

(a)a yw'r disgybl yn astudio tuag at Gymhwyster Bagloriaeth Cymru;

(b)teitl pob cwrs neu weithgaredd dysgu arall y mae'r disgybl yn ei astudio; ac

(c)a sgriniwyd y disgybl i nodi unrhyw anghenion o ran sgiliau sylfaenol mewn llythrennedd a Rhif edd ar ddechrau ac ar ddiwedd ei raglen gweithgareddau dysgu yn y chweched dosbarth ac, os felly, o ran unrhyw sgiliau sylfaenol mewn perthynas â llythrennedd a Rhif edd—

(i)na chawsant eu hasesu oherwydd na nodwyd unrhyw sgiliau sylfaenol pan sgriniwyd y disgybl; neu

(ii)cawsant eu hasesu a nodwyd bod sgiliau sylfaenol y disgybl—

(aa)o dan lefel mynediad,

(bb)ar lefel mynediad 1,

(cc)ar lefel mynediad 2,

(chch)ar lefel mynediad 3,

(dd)ar lefel 1, neu

(dddd)yn uwch na lefel 1, neu

(iii)ni wyddys neu gwrthododd y disgybl gael ei asesu.

(ch)pa gymorth a gynigiwyd i'r disgybl a pha gymorth a dderbyniodd y disgybl pan aseswyd y disgybl o dan is-baragraff (c)(ii) a nodwyd bod sgiliau sylfaenol y disgybl o dan lefel mynediad 1.

2.  Mewn perthynas â phob gweithgaredd dysgu arall y mae'r disgybl yn ei astudio—

(a)cyfeirnod y gweithgaredd dysgu;

(b)y dyddiad y dechreuodd y disgybl y gweithgaredd dysgu;

(c)y dyddiad y disgwylir i'r gweithgaredd dysgu ddod i ben;

(ch)enw darparwr y gweithgaredd dysgu;

(d)a gyflwynir y gweithgaredd dysgu drwy gyfrwng y Gymraeg, drwy gyfrwng y Saesneg, neu'n ddwyieithog drwy gyfrwng y Gymraeg a'r Saesneg;

(dd)a oes gan y disgybl anhawster dysgu neu anabledd, neu'r ddau, ac os felly a yw'r disgybl yn ymgymryd â gweithgaredd dysgu ar wahân neu weithgaredd dysgu prif ffrwd;

(e)a yw'r disgybl yn parhau i astudio'r gweithgaredd dysgu neu a yw wedi ei gwblhau neu wedi rhoi'r gorau iddo; ac

(f)p'un a yw'r disgybl wedi cwblhau'r gweithgaredd dysgu neu wedi rhoi'r gorau iddo, y dyddiad y cwblhaodd y disgybl y gweithgaredd dysgu neu y rhoddodd y gorau iddo ac a yw'r disgybl wedi dechrau astudio gweithgaredd dysgu newydd.

3.  Yr wybodaeth ganlynol am ddisgybl a roddodd y gorau i fynychu chweched dosbarth yr ysgol yn ystod y flwyddyn ysgol y gwnaed ynddi'r cais am wybodaeth—

(a)y dyddiad y gadawodd y disgybl yr ysgol; a

(b)y rheswm pam y gadawodd y disgybl yr ysgol, os yw'n hysbys.

RHAN 3

Disgyblion sydd wedi eu Gwahardd

1.  Yr wybodaeth ganlynol am bob disgybl sydd wedi ei wahardd yn barhaol o'r ysgol ac yr oedd ei ddyddiad gwahardd parhaol yn y flwyddyn a ddaeth i ben ar 31 Awst cyn y dyddiad y gwneir y cais am wybodaeth—

(a)Rhif unigryw cyfredol disgybl;

(b)cyfenw;

(c)enw cyntaf y disgybl, neu bob enw cyntaf os oes mwy nag un;

(ch)enw canol y disgybl, neu bob enw canol os oes mwy nag un;

(d)rhyw;

(dd)dyddiad geni; ac

(e)y dyddiad y dechreuodd y gwaharddiad parhaol.