Mesur Llywodraeth Leol (Cymru) 2011

37Y pŵer i fabwysiadu ffurf wahanol ar weithrediaethLL+C

(1)Caiff awdurdod lleol sy'n gweithredu trefniadau gweithrediaeth—

(a)amrywio trefniadau neu osod trefniadau yn lle'r rhai presennol fel bod ei drefniadau gweithrediaeth yn darparu ar gyfer ffurf wahanol ar weithrediaeth, a

(b)os yw'n gwneud amrywiad o'r fath i'r trefniadau, caiff amrywio'r trefniadau mewn ffyrdd eraill (os bydd rhai) sy'n briodol yn ei dyb ef.

(2)Mae'r pwerau a roddir gan is-adran (1) yn arferadwy'n unol â darpariaethau canlynol y Bennod hon.

(3)Ni chaiff awdurdod lleol ddefnyddio'r pŵer a roddir gan is-adran (1)(a) i amrywio ei drefniadau gweithrediaeth neu i roi trefniadau yn eu lle fwy nag unwaith mewn unrhyw gylch etholiadol.

(4)At y diben hwnnw, bernir bod awdurdod lleol yn defnyddio'r pŵer a roddir gan is-adran (1)(a) ar yr adeg pan fo'r awdurdod yn pasio penderfyniad o dan adran 38.

(5)Yn yr adran hon, ystyr “cylch etholiadol”, mewn perthynas ag awdurdod lleol, yw pob cyfnod—

(a)sy'n dechrau gydag etholiadau cyffredin i'r awdurdod, a

(b)sy'n dod i ben gyda'r etholiadau cyffredin nesaf i'r awdurdod.

(6)I gael y diffiniad o “ffurf ar weithrediaeth”, gweler adran 53.