- Latest available (Revised) - English
- Latest available (Revised) - Welsh
- Original (As made) - English
- Original (As made) - Welsh
This is the original version (as it was originally made). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.
Offerynnau Statudol Cymru
ANIFEILIAID, CYMRU
ANIFEILIAID DINISTRIOL
Wedi'u gwneud
19 Rhagfyr 2000
Yn dod i rym
1 Ionawr 2001
Mae Cynulliad Cenedlaethol Cymru, gan ei fod wedi'i fodloni mewn perthynas â'r rhywogaeth famalaidd anfrodorol sy'n destun y Gorchymyn hwn ei bod yn ddymunol eu rheoli oherwydd eu harferion dinistriol a difa unrhyw rai ohonynt sy'n rhydd, drwy arfer y pwerau a roddir gan adran 10(1) o Ddeddf Anifeiliaid Dinistriol a Fewnforir 1932(1) ac a freiniwyd ynddo(2) yn gwneud y Gorchymyn canlynol:
1.—(1) Enw'r Gorchymyn hwn yw Gorchymyn Cadw Mincod (Cymru) 2000, bydd yn gymwys i Gymru a daw i rym ar 1 Ionawr 2001.
(2) Bydd effaith y Gorchymyn hwn yn peidio ar 1 Ionawr 2004.
2. Yn y Gorchymyn hwn —
ystyr “y Ddeddf” (“the Act”) yw Deddf Anifeiliaid Dinistriol a Fewnforir 1932; ac
ystyr “mincod” (“mink”) yw'r anifeiliaid sy'n perthyn i'r rhywogaeth Mustela vison.
3. Gwaherddir cadw mincod, ac eithrio o dan drwydded a roddir o dan y Ddeddf.
4. Wrth gymhwyso'r Ddeddf at fincod, hepgorir adran 5(2) ac, yn adran 6(1), baragraff (f) a'r cyfeiriad at gosb yn achos tramgwydd o dan baragraff (f).
Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998(3)
D. Elis Thomas
Llywydd y Cynulliad Cenedlaethol
19 Rhagfyr 2000
(Nid yw'r nodyn hwn yn rhan o'r Gorchymyn)
Mae'r Gorchymyn hwn yn parhau i gymhwyso yng Nghymru y dulliau rheoli a osodwyd ym Mhrydain Fawr gan Orchymyn Cadw Mincod 1997 (O.S. 1997/3002), y mae ei effaith yn dod i ben ar 1 Ionawr 2001. Mae Gorchmynion tebyg i barhau i gymhwyso'r dulliau rheoli hyn mewn perthynas â'r Alban a Lloegr yn cael eu paratoi ar ran Gweinidogion yr Alban a'r Gweinidog Amaethyddiaeth, Pysgodfeydd a Bwyd.
Mae Erthygl 1 yn darparu teitl y Gorchymyn, ei fod yn gymwys i Gymru, ei fod yn cychwyn ar 1 Ionawr 2001 a bod ei effaith yn dod i ben ar 1 Ionawr 2004. Mae Erthygl 2 yn cynnwys diffiniad o'r Ddeddf y mae'r Gorchymyn yn cael ei wneud odani, a diffiniad o “mincod”. Mae Erthygl 3 yn gwahardd cadw mincod ac eithrio o dan drwydded.
Yn ddarostyngedig i'r eithriadau a wneir gan erthygl 4 o'r Gorchymyn hwn, mae darpariaethau Deddf Anifeiliaid Dinistriol a Fewnforir 1932 yn parhau i fod yn gymwys yng Nghymru i fincod nes i effaith y Gorchymyn hwn ddod i ben ar 1 Ionawr 2004. Mae'r eithriadau hyn yn ymwneud â'r ddyletswydd sydd ar dirfeddianwyr i roi hysbysiad o bresenoldeb mincod, nad ydynt yn cael eu cadw o dan drwydded, ar eu tir.
1932 p. 12; diwygiwyd adran 11 (dehongli) gan O.S. 1992/3302.
Mae'r swyddogaethau a roddwyd gan adran 10 o'r Ddeddf i'r Ysgrifennydd Gwladol a'r Gweinidog Amaethyddiaeth, Pysgodfeydd a Bwyd wedi'u datganoli i Gynulliad Cenedlaethol Cymru i'r graddau y mae'r swyddogaethau yn arferadwy mewn perthynas â Chymru. Trosglwyddwyd y swyddogaethau yn adran 10 yn rhinwedd erthygl 2 o Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672) ac Atodlen 1 iddo. Mae Gorchymyn 1999 yn darparu eithriad i'r trosglwyddo swyddogaethau o dan adran 10 o Ddeddf 1932 pan fydd gweithredu'r swyddogaethau yn ymwneud â mewnforio mathau o anifeiliaid y mae'r Ddeddf yn ymwneud â hwy. Mae'r eithriad hwn yn cael yr effaith o drosglwyddo i'r Cynulliad Cenedlaethol dim ond y swyddogaethau a roddwyd i Ysgrifennydd Gwladol Cymru gan Orchymyn Trosglwyddo Swyddogaethau (Cymru) 1969 (O.S.1969/388). Darparodd Gorchymyn 1969 fod y pwerau yn adran 10 i'w gweithredu ar y cyd gan yr Ysgrifennydd Gwladol a'r Gweinidog Amaethyddiaeth, Pysgodfeydd a Bwyd. Mae'r Gorchymyn hwn yn ymwneud â chadw mincod, nid mewnforio mincod, ac felly nid yw'r eithriad yng Ngorchymyn 1999 yn gymwys.
Latest Available (revised):The latest available updated version of the legislation incorporating changes made by subsequent legislation and applied by our editorial team. Changes we have not yet applied to the text, can be found in the ‘Changes to Legislation’ area. The revised version is currently only available in English.
Original (As Enacted or Made) - English: The original English language version of the legislation as it stood when it was enacted or made. No changes have been applied to the text.
Original (As Enacted or Made) - Welsh:The original Welsh language version of the legislation as it stood when it was enacted or made. No changes have been applied to the text.
Access essential accompanying documents and information for this legislation item from this tab. Dependent on the legislation item being viewed this may include: