Enwi, cychwyn, dehongli a chymhwyso

1.  Enw'r Rheoliadau hyn yw Rheoliadau'r Gwasanaeth Iechyd Gwladol (Gwasanaethau Deintyddol Cyffredinol) a (Ffioedd Deintyddol) (Diwygio) (Cymru) 2001 a deuant i rym ar 1 Ebrill 2001.

(2) Yn y Rheoliadau hyn—

• ystyr “Rheoliadau 1992” (“the 1992 Regulations”) yw Rheoliadau'r Gwasanaeth Iechyd Gwladol (Gwasanaethau Deintyddol Cyffredinol) 1992(2);

• ystyr “Rheoliadau 1989” (“the 1989 Regulations”) yw Rheoliadau'r Gwasanaeth Iechyd Gwladol (Ffioedd Deintyddol) 1989(3).

(3) Bydd y Rheoliadau hyn yn gymwys i Gymru yn unig.

Diwygio Atodlen 4 i Reoliadau 1992

2.  Yn Rhan II o Atodlen 4 i Reoliadau 1992 (triniaeth â chymeradwyaeth ymlaen llaw), ym mharagraff 1 a 2, yn lle “£230” rhowch “£260”.

Diwygio rheoliad 3 o Reoliadau 1989

3.—(1) Mae rheoliad 3 o Reoliadau 1989 yn cael ei ddiwygio yn unol â'r darpariaethau canlynol.

(2) Ar ôl paragraff 2(e) ychwanegwch—

“(f)Subject to regulation 5A, the clinical examination and any report on that examination where, on the day upon which the examination is performed the patient—

(i)is under the age of 25 years; or

(ii)has attained the age of 60 years.”

Diwygio rheoliad 5 o Reoliadau 1989

4.—(1) Ar ôl rheoliad 5 o Reoliadau 1989 mewnosodwch y rheoliad newydd canlynol—

“Conditions of entitlement under regulation 3(2)(f)

5A.—(1) It is a condition of entitlement under regulation 3(2)(f) that—

(a)a written declaration, on a form provided for that purpose by the National Assembly for Wales, shall be made to the effect that the patient is, on the day upon which the examination takes place, within one of the categories specified in regulation 3(2)(f); and

(b)where the National Assembly for Wales so requires, evidence of entitlement shall be supplied by or on behalf of the patient.

(2) The declaration referred to in paragraph (1)(a) shall be made by the patient for whom the examination will be provided, except that where the application is made by another person on the patient’s behalf, it shall be made instead by that person.

(3) In this regulation “evidence of entitlement” means the patient’s birth certificate.

(4) Nothing in paragraphs (1)(b) or (3) prevents the National Assembly for Wales from accepting evidence other than that referred to in paragraph (3) as a means of establishing that a patient is within one of the categories referred to in regulation 3(2)(f).”

Nodyn Esboniadol

(Nid yw'r nodyn hwn yn rhan o'r Rheoliadau)

Mae'r Rheoliadau hyn yn diwygio ymhellach Rheoliadau'r Gwasanaeth Iechyd Gwladol (Gwasanaethau Deintyddol Cyffredinol) 1992 (“Rheoliadau 1992”) a Rheoliadau'r Gwasanaeth Iechyd Gwladol (Ffioedd Deintyddol) 1989 (“Rheoliadau 1989”).

Mae Rheoliadau 1992 yn rheoleiddio'r telerau y mae gwasanaethau deintyddol cyffredinol yn cael eu darparu odanynt o dan Ddeddf y Gwasanaeth Iechyd Gwladol 1977. Mae Rheoliadau 1989 yn cynnwys darpariaethau ynghylch y ffioedd a godir am wasanaethau deintyddol cyffredinol

Mae Rheoliad 2 yn diwygio Atodlen 4 i Reoliadau 1992 er mwyn cynyddu'r swm a bennir ynddi fel cost uchaf, neu gost debygol, y gofal a'r driniaeth y caiff deintydd ymgymryd â hwy heb ofyn am gymeradwyaeth ymlaen llaw gan y Bwrdd Ymarfer Deintyddol (o £230 i £260).

Mae Rheoliad 3 yn estyn rheoliad 3 o Reoliadau 1989 ac yn ychwanegu Rheoliad 5A newydd iddynt fel y bydd gan bersonau o dan 25 oed a'r rhai sydd wedi cyrraedd 60 oed hawl i gael archwiliadau deintyddol yn rhad ac am ddim, os caiff yr archwiliad ei roi ar neu ar ôl 1 Ebrill 2001, cyhyd ag y caiff datganiad o'r hawl ei wneud ar y ffurf a ragnodir.