- Latest available (Revised) - English
- Latest available (Revised) - Welsh
- Original (As made) - English
- Original (As made) - Welsh
Gorchymyn Deddf Safonau Gofal 2000 (Cychwyn Rhif 3) (Cymru) 2001
You are here:
- Wales Statutory Instruments
- 2001 No. 2190 (Cy. 152) (C. 70)
- Whole Instrument
- Previous
- Next
What Version
Statws
This is the original version (as it was originally made). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.
Offerynnau Statudol Cymru
2001 Rhif 2190 (Cy.152) (C.70)
GOFAL CYMDEITHASOL, CYMRU
GWASANAETHAU LLES CYMDEITHASOL, CYMRU
Gorchymyn Deddf Safonau Gofal 2000 (Cychwyn Rhif 3) (Cymru) 2001
Wedi'i wneud
12 Mehefin 2001
Mae Cynulliad Cenedlaethol Cymru yn gwneud y Gorchymyn canlynol drwy arfer y pwerau a roddwyd iddo gan adran 122 o Ddeddf Safonau Gofal 2000 (1):
Enwi a dehongli
1.—(1) Enw'r Gorchymyn hwn yw Gorchymyn Safonau Gofal 2000 (Cychwyn Rhif 3) (Cymru) 2001.
(2) Yn y Gorchymyn hwn—
ystyr “y Ddeddf” (“the Act”) yw Deddf Safonau Gofal 2000.
Diwrnod penodedig
2. Daw darpariaethau'r Ddeddf a bennir yng ngholofn 1 o'r Tabl a gynhwysir yn yr Atodlen i'r Gorchymyn hwn i rym mewn perthynas â Chymru ar 1 Gorffennaf 2001, ond lle mae dibenion penodol yn cael eu pennu mewn perthynas ag unrhyw ddarpariaeth yng ngholofn 2 o'r Tabl, dim ond at y dibenion hynny y daw'r ddarpariaeth i rym.
Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998(2)
Dafydd Elis Thomas
Llywydd Cynulliad Cenedlaethol Cymru
12 Mehefin 2001
Erthygl 2(1)
YR ATODLEN
Y Tabl
Darpariaethau'r Ddeddf sy'n dod i rym ar 1 Gorffennaf 2001
| Colofn 1 – y ddarpariaeth yn y Ddeddf | Colofn 2– at ba ddiben y mae'r ddarpariaeth i ddod i rym |
|---|---|
| Adrannau 1 (Cartrefi plant), 2 (Ysbytai annibynnol etc.), 3 (Cartrefi gofal), 4 (Diffiniadau sylfaenol eraill), 5 (Yr awdurdodau cofrestru), a 7(7) (Dyletswyddau cyffredinol y Comisiwn). | |
| Adran 8 (Swyddogaethau cyffredinol y Cynulliad). | Er mwyn galluogi is ddeddfwriaeth i gael ei gwneud odani. |
| Adran 9(3)–(5) (Gweithio ar y cyd). | |
| Adrannau 11 (Y gofyniad i gofrestru), 12 (Ceisiadau am gofrestru), 14 (Dileu cofrestriadau), 15 (Ceisiadau gan bersonau cofrestredig). | Er mwyn galluogi is— ddeddfwriaeth i gael ei gwneud odanynt. |
| Adrannau 16 (Rheoliadau ynghylch cofrestru), 22 (Rheoli sefydliadau ac asiantaethau), 23 (Y safonau cenedlaethol gofynnol), 25 Torri rheoliadau, 33 (Ffurflenni blynyddol), 34 (Datodwyr etc) a 35 (Marwolaeth person cofrestredig). | |
| Adran 36 (Darparu copïau o gofrestrau). | Er mwyn galluogi is— ddeddfwriaeth i gael ei gwneud odani. |
| Adrannau 38 (Trosglwyddo staff o dan Ran II), 42 (Y pŵer i estyn cymhwysiad Rhan II), 43 (Rhagarweiniol), 48 (Rheoli gwaith arfer swyddogaethau maethu perthnasol), 49 (Y safonau cenedlaethol gofynnol), 50 (Ffurflenni blynyddol), 51 (Ffi flynyddol), 52 (Torri rheoliadau). | |
| Adran 79(1) (Diwygio Deddf Plant 1989 (p.41)). | Er mwyn galluogi is— ddeddfwriaeth i gael ei gwneud o dan ddarpariaeth sy'n cael ei mewnosod ganddi yn Neddf Plant 1989. |
| Adran 79(1). | Er mwyn mewnosod y darpariaethau canlynol yn Neddf Plant 1989; adran 79B(2) (Diffiniadau eraill etc); ac adran 79B(9) (sy'n cyflwyno Atodlen 9A i Ddeddf Plant 1989), ond dim ond i'r graddau y mae'n angenrheidiol er mwyn galluogi is-ddeddfwriaeth i gael ei gwneud o dan Atodlen 9A i Ddeddf Plant 1989 (sy'n cael ei mewnosod gan Atodlen 3 i'r Ddeddf). |
| Adran 79(2) (sy'n cyflwyno Atodlen 3 i'r Ddeddf). | Er mwyn galluogi is— ddeddfwriaeth i gael ei gwneud o dan ddarpariaeth sy'n cael ei mewnosod yn Neddf Plant 1989 gan Atodlen 3 i'r Ddeddf . |
| Adrannau 79(3) a (4) “(cynlluniau ar gyfer trosglwyddo staff)”, 107 (Ysgolion preswyl: y safonau cenedlaethol gofynnol), 108 (Ffi flynyddol am arolygiadau ysgolion preswyl), 112 (Y taliadau sy'n cael eu codi am wasanaethau lles awdurdodau lleol), 114 (Cynlluniau ar gyfer trosglwyddo staff) a 115 (Effaith y cynlluniau). | |
| Adran 116 (Mân ddiwygiadau a diwygiadau canlyniadol) (sy'n cyflwyno Atodlen 4 i'r Ddeddf). | Er mwyn dod â'r darpariaethau yn Atodlen 4 a bennir isod i rym. |
| Adran 117(1) (Darpariaethau trosiannol, eithriadau a diddymiadau) (sy'n cyflwyno Atodlen 5 i'r Ddeddf). | Er mwyn dod â'r darpariaethau yn 5 a bennir isod i rym. |
| Atodlen 3. | Er mwyn galluogi is-ddeddfwriaeth i gael ei gwneud o dan ddarpariaeth a fewnosodwyd ganddi yn Neddf Plant 1989. |
| Paragraff 5(6) o Atodlen 4 (sy'n diwygio Deddf Mabwysiadu 1976). | |
| Paragraff 1 o Atodlen 5. | |
| Paragraff 2 o Atodlen 5. | Er mwyn galluogi is-ddeddfwriaeth i gael ei gwneud odano. |
Nodyn Esboniadol
(Nid yw'r nodyn hwn yn rhan o'r Gorchymyn)
Mae'r Gorchymyn hwn yn pennu diwrnod i rai o ddarpariaethau Deddf Safonau Gofal 2000 (“y Ddeddf”) ddod i rym.
Mae'n dwyn i rym, ar 1 Gorffennaf , bob pŵer i wneud is-ddeddfwriaeth, ac i baratoi safonau cenedlaethol gofynnol a safonau eraill, sef pwerau sy'n cael eu rhoi i'r Cynulliad gan y Rhannau canlynol o'r Ddeddf (a'r Atodlenni sy'n gysylltiedig â'r Rhannau hynny): Rhan I (Rhagarweiniol); Rhan II (Sefydliadau ac Asiantaethau); Rhan III (Gwasanaethau Awdurdodau Lleol); a Rhan VI (Gwarchod Plant a Gofal Dydd).
Yn ychwanegol mae'n dod â darpariaethau canlynol y Ddeddf i rym ar y diwrnod hwn. Mae'n dod ag adran 5(b) i rym a'r rhan honno o adran 79 sy'n mewnosod adran 79B(2) newydd yn Neddf Plant 1989 (ac effaith y darpariaethau hyn yw datgan mai'r Cynulliad fydd yr awdurdod cofrestru gofal cymdeithasol dros Gymru). Bydd hyn yn hwyluso gweithgareddau sy'n paratoi ar gyfer dyfodiad i rym y darpariaethau hynny yn y Ddeddf sy'n ei gwneud yn ofynnol i'r Cynulliad gofrestru'r gofal cymdeithasol sy'n cael ei ddarparu yng Nghymru.
Mae'n dod ag adran 112 i rym hefyd (sy'n diwygio Deddf Awdurdodau Lleol a Gwasanaethau Cymdeithasol 1970 i wneud y pwerau sy'n cael eu rhoi ganddi yn arferadwy mewn perthynas â swyddogaethau awdurdodau lleol o dan adran 17 o Ddeddf Iechyd a Gwasanaethau Cymdeithasol a Dyfarniadau Nawdd Cymdeithasol 1983). Bydd hyn yn caniatáu i'r Cynulliad roi canllawiau a chyfarwyddiadau i awdurdodau lleol yng Nghymru mewn perthynas â'u pŵer i godi taliadau am y gwasanaethau lles y maent yn eu darparu.
Nodyn Orchymyn Cychwyn Blaenorol
(Nid yw'r nodyn hwn yn rhan o'r Gorchymyn)
Mae darpariaethau'r Ddeddf y mae cofnod wedi'i wneud mewn perthynas â hwy yn y Tabl isod wedi'u dwyn i rym mewn perthynas â Chymru. Daethpwyd â'r darpariaethau hynny ag “(a)” ar eu hôl i rym gan O.S. 2000/2992 (Cy.192) (C.93), a'r rhai â “(b)” ar eu hôl gan O.S. 2001/139 (Cy.5)(C.7).
| Y ddarpariaeth | Y dyddiad mewn grym |
|---|---|
| Adran 40 (yn rhannol) (b) | 1 Chwefror 2001 |
| Adran 40 (y gweddill) (b) | 28 Chwefror 2001 |
| Adran 41 (b) | 28 Chwefror 2001 |
| Adran 54(1), (3)–(7) (a) | 1 Ebrill 2001 |
| Adran 55 ac Atodlen 1 (a) | 1 Ebrill 2001 |
| Adran 72 ac Atodlen 2 (a) | 13 Tachwedd 2000 |
| Adran 113 (2)–(4) (a) | 1 Ebrill 2001 |
| Adran 114 (yn rhannol) (a) | 1 Ebrill 2001 |
| Adran 116 ac Atodlen 4 (y ddwy yn rhannol) (b) | 28 Chwefror 2001 |
Mae darpariaethau'r Ddeddf y mae cofnod wedi'i wneud ar eu cyfer yn y Tabl isod wedi'u dwyn i rym mewn perthynas â Chymru, yn ogystal â Lloegr, gan O.S. 2000/2544 (C.72).
| Y ddarpariaeth | Y dyddiad cychwyn |
|---|---|
| Adran 80(8) | 2 Hydref 2000 |
| Adran 94 | 2 Hydref 2000 |
| Adran 96 (yn rhannol) | 15 Medi 2000 |
| Adran 96 (y gweddill) | 2 Hydref 2000 |
| Adran 99 | 15 Medi 2000 |
| Adran 100 | 2 Hydref 2000 |
| Adran 101 | 2 Hydref 2000 |
| Adran 103 | 2 Hydref 2000 |
| Adran 116 ac Atodlen 4 (y ddwy yn rhannol) | 2 Hydref 2000 |
| Adran 117(2) ac Atodlen 6 (y ddwy yn rhannol) | 2 Hydref 2000 |
Yn ychwanegol, mae amryw o ddarpariaethau eraill y Ddeddf wedi'u dwyn i rym mewn perthynas â Lloegr yn unig gan yr offerynnau canlynol: O.S. 2000/2795 (C.79); O.S. 2001/290 (C.17); O.S. 2001/731 (C.26).
Options/Help
Print Options
PrintThe Whole Instrument
Legislation is available in different versions:
Latest Available (revised):The latest available updated version of the legislation incorporating changes made by subsequent legislation and applied by our editorial team. Changes we have not yet applied to the text, can be found in the ‘Changes to Legislation’ area. The revised version is currently only available in English.
Original (As Enacted or Made) - English: The original English language version of the legislation as it stood when it was enacted or made. No changes have been applied to the text.
Original (As Enacted or Made) - Welsh:The original Welsh language version of the legislation as it stood when it was enacted or made. No changes have been applied to the text.
Opening Options
Different options to open legislation in order to view more content on screen at once
More Resources
Access essential accompanying documents and information for this legislation item from this tab. Dependent on the legislation item being viewed this may include:
- the original print PDF of the as enacted version that was used for the print copy
- lists of changes made by and/or affecting this legislation item
- confers power and blanket amendment details
- all formats of all associated documents
- correction slips
- links to related legislation and further information resources
More Resources
Use this menu to access essential accompanying documents and information for this legislation item. Dependent on the legislation item being viewed this may include:
- the original print PDF of the as made version that was used for the print copy
- correction slips
Click 'View More' or select 'More Resources' tab for additional information including:
- lists of changes made by and/or affecting this legislation item
- confers power and blanket amendment details
- all formats of all associated documents
- links to related legislation and further information resources
All content is available under the Open Government Licence v3.0 except where otherwise stated. This site additionally contains content derived from EUR-Lex, reused under the terms of the Commission Decision 2011/833/EU on the reuse of documents from the EU institutions. For more information see the EUR-Lex public statement on re-use.