Enwi a dehongli

1.—(1) Enw'r Gorchymyn hwn yw Gorchymyn Deddf Safonau Gofal 2000 (Cychwyn Rhif 7) (Cymru) 2001.

(2) Yn y Gorchymyn hwn -ystyr “y Ddeddf” (“the Act”) yw Deddf Safonau Gofal 2000.

Y diwrnod penodedig

2.—(1) 26 Awst 2001 yw'r diwrnod penodedig ar gyfer dwyn darpariaethau'r Ddeddf a bennir ym mharagraff (2) i rym mewn perthynas â Chymru.

(2) Dyma'r darpariaethau—

(a)Adran 72A (prif nod y Comisiynydd);

(b)Adran 72B (adolygu arfer swyddogaethau gan y Cynulliad a chan bersonau eraill);

(c)Adran 73 (adolygu a monitro trefniadau);

(ch)Adran 74 (archwilio achosion);

(d)Adran 75 (rhwystro etc.);

(dd)Adran 75A (pŵer ychwanegol i ystyried a chynrychioli);

(e)Adran 76 (swyddogaethau pellach);

(f)Adran 77 (cyfyngiadau);

(ff)Adran 78 (dehongli);

(g)Atodlen 2A (personau sy'n destun adolygiad gan y Comisiynydd o dan Adran 72B);

(ng)Atodlen 2B (personau y mae eu trefniadau'n destun adolygiad gan y Comisiynydd o dan Adran 73)

(h)Paragraff 3 o Atodlen 5 (darpariaethau trosiannol ac eithriadau) ac adran 117(1) i'r graddau y mae'n ymwneud ag ef.

Nodyn Esboniadol

(Nid yw'r nodyn hwn yn rhan o'r Gorchymyn)

Mae'r Gorchymyn hwn yn penodi diwrnod i ddarpariaethau penodol yn Neddf Safonau Gofal 2000 (“Deddf 2000”) ddod i rym ynghylch Comisiynydd Plant Cymru (“y Comisiynydd”). Mewnosodir rhai o'r darpariaethau gan Ddeddf Comisiynydd Plant Cymru 2001 (“Deddf 2001”) y mae Gorchymyn Deddf Comisiynydd Plant Cymru 2001 (Cychwyn) yn gymwys iddi.

26 Awst 2001 yw'r diwrnod penodedig i ddarpariaethau canlynol y Ddeddf ddod i rym:

(a)Adran 72A, a fewnosodwyd gan Ddeddf 2001, sy'n darparu mai diogelu a hybu hawliau a lles plant y mae Rhan V o Ddeddf 2000 yn gymwys iddynt yw prif nod y Comisiynydd wrth arfer ei swyddogaethau;

(b)Adran 72B, a fewnosodwyd gan Ddeddf 2001, sy'n galluogi'r Comisiynydd i adolygu yr effaith ar blant a gâi arfer unrhyw swyddogaeth sydd gan Gynulliad Cenedlaethol Cymru (“y Cynulliad”) neu sydd gan unrhyw berson a grybwyllir yn Atodlen 2A i Ddeddf 2000, fel y'i mewnosodwyd gan Ddeddf 2001;

(c)Adran 73, fel y'i diwygir gan Ddeddf 2001, sy'n galluogi'r Comisiynydd i adolygu a monitro sut mae trefniadau ar gyfer cŵ ynion, eiriolaeth a chwythu'r chwiban yn cael eu gweithredu gan ddarparwyr gwasanaethau plant a reoleiddir o dan Ddeddf 2000, y Cynulliad, personau a grybwyllir yn Atodlen 2B i Ddeddf 2000, fel y'i mewnosodwyd gan Ddeddf 2001, a phersonau penodol eraill, ac i asesu effaith methiant i wneud trefniadau o'r fath;

(ch)Adran 74, fel y'i diwygiwyd gan Ddeddf 2001, sy'n galluogi'r Cynulliad i wneud rheoliadau ac sy'n gwneud darpariaeth arall am archwilio achosion penodol gan y Comisiynydd;

(d)Adran 75, sy'n galluogi'r Comisiynydd i ardystio tramgwydd i'r Uchel Lys yn achos ymddygiad rhwystrol penodol;

(dd)Adran 75A, fel y'i mewnosodwyd gan Ddeddf 2001, sy'n ymwneud â phŵ er y Comisiynydd i ystyried unrhyw fater sy'n effeithio ar hawliau neu les plant yng Nghymru, a chyflwyno sylw i'r Cynulliad yn eu cylch;

(e)Adran 76, fel y'i diwygiwyd gan Ddeddf 2001, sy'n galluogi'r Cynulliad i wneud rheoliadau ynghylch cymorth ariannol a chymorth arall y gall y Comisiynydd ei roi mewn achosion penodol, ac ynghylch adroddiadau a phwerau a dyletswyddau eraill y gall y Cynulliad eu rhoi o dan Ran V o Ddeddf 2000. Mae adran 76 hefyd yn galluogi'r Comisiynydd i roi cyngor a gwybodaeth i unrhyw un mewn cysylltiad â'i swyddogaethau, ac yn ymdrin ag enwi unigolion mewn adroddiadau ac yn rhoi braint absoliwt ar gynnwys adroddiadau'r Comisiynydd;

(f)Adran 77, sy'n darparu ar gyfer cyfyngu ar swyddogaethau'r Comisiynydd mewn perthynas ag achosion penodol ac mewn perthynas â swyddogaethau personau a ragnodir gan reoliadau a wneir gan y Cynulliad;

(ff)Adran 78, fel y'i diwygiwyd gan Ddeddf 2001, sy'n cynnwys darpariaethau dehongli ac sy'n galluogi'r Cynulliad i wneud rheoliadau sy'n estyn ychydig ar awdurdodaeth y Comisiynydd mewn perthynas â phlant penodol;

(g)Atodlenni 2A a 2B a grybwyllir uchod, fel y'u mewnosodwyd gan Ddeddf 2001; ac

(h)Paragraff 3 o Atodlen 5 sy'n gwneud darpariaeth drosiannol sy'n ymdrin â chyfeiriadau at ddarparwyr a gwasanaethau fel cyfeiriadau at ddarparwyr a gwasanaethau a fyddai'n cael eu rheoleiddio yn unol â Deddf 2000, pe bai rhai o ddarpariaethau eraill Deddf 2000 mewn grym.

Nodyn Orchymyn Cychwyn Blaenorol

(Nid yw'r nodyn hwn yn rhan o'r Gorchymyn)

Mae darpariaethau Deddf Safonau Gofal 2000 ('y Ddeddf') y gwneir cofnod ar eu cyfer yn y Tabl isod wedi'u dwyn i rym neu i'w dwyn i rym mewn perthynas â Chymru ar y dyddiad a bennir ochr yn ochr â'u cofnod drwy orchmynion cychwyn sydd wedi'u gwneud cyn dyddiad y Gorchymyn hwn. Cafodd y darpariaethau hynny y dilynir eu cofnod ag '(a)' eu dwyn i rym gan O.S. 2000/2992 (Cy.192) (C.93); cafodd y rhai a ddilynir â '(b)' eu dwyn i rym gan O.S. 2001/139 (Cy.5) (C.7); cafodd y rhai a ddilynir ag '(c)' eu dwyn i rym gan O.S. 2001/2190 (Cy.152) (C.70); cafodd y rhai a ddilynir ag '(ch)' eu dwyn i rym gan O.S. 2001/2354(Cy.192) (C.80); cafodd y rhai a ddilynir â '(d)' eu dwyn i rym gan O.S. 2001/ 2504(Cy.205) (C.82); a chafodd y rhai a ddilynir â '(dd)' eu dwyn i rym gan O.S. 2001/2538(Cy.213) (C.83).

Mae darpariaethau'r Ddeddf y gwneir cofnod ar eu cyfer yn y Tabl isod wedi'u dwyn i rym gan O.S. 2000/2544 (C.72) mewn perthynas â Chymru, yn ogystal ag mewn perthynas â Lloegr, ar y dyddiad a bennir ochr yn ochr â'u cofnod.

Yn ychwanegol, mae amryw o ddarpariaethau eraill y Ddeddf wedi'u dwyn i rym mewn perthynas â Lloegr gan yr Offerynnau Statudol canlynol: O.S. 2000/2795 (C.79); O.S. 2001/290 (C.17); O.S. 2001/1210 (C.41); O.S. 2001/1536 (C.55); a O.S 2001/2041 (C.68).