Rheoliadau Diwygio Rheoliadau Porthiant (Cymru) a Rheoliadau Porthiant (Gorfodi) (Cymru) 2001

Diwygio Rheoliadau Porthiant (Cymru) 2001

3.  Yn rheoliad 2 (dehongli) —

(a)ym mharagraff (1) —

(i)yn y mannau priodol yn nhrefn yr wyddor, mewnosodir y diffiniadau canlynol—

• “ystyr “sefydliad a gymeradwywyd gan Ardal Economaidd Ewrop ar gyfer Erthyg 2.2(d)” (“European Economic Area approved Article 2.2(d) establishment”) yw sefydliada sydd wedi'i restru ar gofrestr o sefydliadau, a gedwir gan awdurdod cymwys mewn gwladwriaeth yn Ardal Economaidd Ewrop heblaw'r deyrnas Unedig neu aelod-Wladwriaeth, i weithredu Erthygl 5 o'r Gyfarwyddeb Sefydliadau, fel sefydliad lle y gall porthiant cyfansawdd, o unrhyw fath y rheoleiddir ei weithgynhyrchu gan Erthygl 2.2(d) o'r Gyfarwyddeb honno, gael ei weithgynhyrchu gyda golwg ar ei roi mewn cylchrediad;

• ystyr “sefydliad a gymeradwywyd gan Ardal Economaidd Ewrop ar gyfer Erthygl 2.2(f)” (“European Economic Area approved Article 2.2(f) establishment”) yw sefydliad sydd wedi'i restru ar gofrestr o sefydliadau wedi'u cymeradwyo, a gedwir gan awdurdod cymwys mewn gwladwriaeth yn Ardal Economaidd Ewrop heblaw'r Deyrnas Unedig neu Aelod-wladwriaeth, i weithredu Erthygl 5 o'r Gyfarwyddeb Sefydliadau, fel sefydliad lle y gall porthiant cyfansawdd, o unrhyw fath y rheoleiddir ei gynhyrchu gan Erthygl 2.2(f) o'r Gyfarwyddeb honno, gael ei gynhyrchu ar gyfer anghenion daliad y cynhyrchydd yn unig;

• ystyr “sefydliad a ganiateir gan Ardal Economaidd Ewrop ar gyfer Erthygl 2.2(d)” (“European Economic Area permitted Article 2.2(d) establishment”) yw sefydliad gwladwriaeth yn Ardal Economaid Ewrop heblaw'r Deyrnas Unedig neu Aelod-wladwriaeth (heblaw sefydliad a gymeradwywyd gan Ardal Economaid Ewrop ar gyfer Erthygl 2.2(d) neu sefydliad y mae awdurdod cymwys yn Ardal Economaid Ewrop wedi gwrthod ei gymeradwyo fel sefydliad o'r fath) —

  (a)

  yr oedd porthiant cyfansawdd, o unrhyw fath y rheoleiddir ei weithgynhrychu gan Erthygl 2.2(d) o'r Gyfarwyddeb Sefydliadau, yn cael ei weithgynhyrchu arno, gyda golwg ar ei roi mewn cylchrediad, ar 10 Mawrth 2000, a

  (b)

  y cafodd cais ei wneud mewn perthynas ag ef, cyn 10 Awst 2000, (a hwnnw heb ei benderfynu eto), i awdurdod cymwys yn y wladwriaeth o dan sylw yn Ardal Economaidd Ewrop, yn unol ag unrhyw ofynion yn y wladwriaeth honno ar gyfer gwneud ceisiadau o'r fath, am gymeradwyo'r sefydliad, yn unol â'r Gyfarwyddeb Sefydliadau, fel sefydliad lle y gall porthiant cyfansawdd o unrhyw fath felly gael ei weithgynhyrchu gyda golwg ar ei roi mewn cylchrediad;

• ystyr “sefydliad a ganiateir gan Ardal Economaidd Ewrop ar gyfer Erthygl 2.2(f)” (“European Economic Area permitted Article 2.2(f) establishment”) yw sefydliad mewn gwladwriaeth yn Ardal Economaidd Ewrop heblaw'r Deyrnas Unedig neu Aelod-wladwriaeth (heblaw sefydliad a gymeradwywyd gan Ardal Economaidd Ewrop ar gyfer Erthygl 2.2(f) neu sefydliad y mae awdurdod cymwys yn y wladwriaeth honno wedi gwrthod ei gymeradwyo fel sefydliad o'r fath) —

  (a)

  yr oedd porthiant cyfansawdd, o unrhyw fath y rheoleiddir ei gynhyrchu gan Erthygl 2.2(f) o'r Gyfarwyddeb Sefydliadau, yn cael ei gynhyrchu arno, ar gyfer anghenion daliad y cynhyrchydd yn unig, ar 10 Mawrth 2000, a

  (b)

  y cafodd cais ei wneud mewn perthynas ag ef, cyn 10 Awst 2000, (a hwnnw heb ei benderfynu eto), i awdurdod cymwys yn y wladwriaeth o dan sylw yn Ardal Economaidd Ewrop, yn unol ag unrhyw ofynion yn y wladwriaeth honno ar gyfer gwneud ceisiadau o'r fath, am gymeradwyo'r sefydliad, yn unol â'r Gyfarwyddeb Sefydliadau, fel sefydliad lle y gall porthiant cyfansawdd o unrhyw fath felly gael ei gynhyrchu ar gyfer anghenion daliad y cynhyrchydd yn unig;”;

(ii)yn lle'r diffiniad o “rhoi mewn cylchrediad”, rhoddir y diffiniad canlynol —

• “ystyr “rhoi mewn cylchrediad” (“put into circulation”) yw gwerthu neu drosglwyddo mewn modd arall meddiannu gyda golwg ar werthu neu ar drosglwyddo fel arall, neu gynnig gwerthu, i drydydd parti, ond, yn rheoliad 14(3), (4) a (7), mae hefyd yn golygu mewnforio i Gymru o wlad nad yw'n un o Wladwriaethau Ardal Economaidd Ewrop nac yn rhan o un o Wladwriaethau Ardal Economaidd Ewrop;” a

(iii)yn lle'r diffiniad o “trydedd wlad” rhoddir y diffiniad canlynol –

• “ystyr “trydedd wlad” (“third country”) yw gwlad heblaw un o wladwriaethau Ardal Economaidd Ewrop;”;

(b)hepgorir paragraff (2) ac

(c)ym mharagraff (8), yn lle'r geiriau “gwneud y Rheoliadau hyn” rhoddir y geiriau “gwneud Rheoliadau Porthiant a Rheoliadau Porthiant (Gorfodi) (Diwygio) (Cymru) 2001”.