Enwi a chymhwyso

1.—(1) Enw'r Gorchymyn hwn yw Gorchymyn Deddf Ymddygiad Gwrthgymdeithasol 2003 (Cychwyn Rhif 3) (Cymru) 2004.

(2) Mae'r Gorchymyn hwn yn gymwys i gŵynion am wrychoedd neu berthi(2) yng Nghymru.

Y darpariaethau sydd i'w cychwyn

2.  Daw Rhan 8 o'r Ddeddf (Gwrychoedd neu Berthi Uchel) i rym ar 31 Rhagfyr 2004.

Nodyn Esboniadol

(Nid yw'r nodyn hwn yn rhan o'r Gorchymyn)

Mae'r Gorchymyn hwn yn dod â darpariaethau Rhan 8 o Ddeddf Ymddygiad Gwrthgymdeithasol 2003 (“y Ddeddf”) i rym, mewn perthynas â gwrychoedd neu berthi yng Nghymru, ar 31 Rhagfyr 2004.

Mae Rhan 8 o'r Ddeddf yn rhoi'r pŵer i awdurdodau lleol ymdrin â chwynion am wrychoedd neu berthi uchel sy'n cael effaith andwyol ar allu cymydog i fwynhau ei eiddo. Mae hefyd yn rhoi'r pŵer i Gynulliad Cenedlaethol Cymru (“y Cynulliad Cenedlaethol”) wneud rheoliadau mewn perthynas â gwrychoedd neu berthi yng Nghymru, i osod mwyafswm y ffï y gall awdurdod lleol ei chodi ar gyfer ymdrin â chais o dan y Ddeddf, ac i bennu'r gweithdrefnau y dylid eu dilyn pan wneir apêl i'r Cynulliad Cenedlaethol o dan adran 71 o'r Ddeddf.

Nodyn Orchymyn Cychwyn Blaenorol

(Nid yw'r nodyn hwn yn rhan o'r Gorchymyn)

Daethpwyd â darpariaethau'r Ddeddf y cyfeirir atynt yn Nhabl 1 isod i rym mewn perthynas â Chymru a Lloegr drwy Orchmynion Cychwyn a wnaed cyn dyddiad y Gorchymyn hwn. Daethpwyd â darpariaethau'r Ddeddf y cyfeirir atynt yn Nhabl 2 isod i rym mewn perthynas â Chymru drwy Orchmynion Cychwyn a wnaed cyn dyddiad y Gorchymyn hwn.