67.—(1) Yn ddarostyngedig i baragraff (2) a rheoliad 73(6), mae swm y cymorth a delir ar gyfer blwyddyn academaidd fel a ganlyn—
(a)os yw'r myfyriwr dysgu o bell cymwys neu ei bartner, ar ddyddiad ei gais, â hawl—
(i)o dan Ran VII o Ddeddf Cyfraniadau a Budd-daliadau Nawdd Cymdeithasol 1992(1) i gymhorthdal incwm, budd-dal tai neu fudd-dal treth cyngor; neu
(ii)o dan Ran 1 o Ddeddf Ceiswyr Gwaith 1995(2) i lwfans ceisiwr gwaith seiliedig ar incwm neu o dan adran 2 o Ddeddf Cyflogi a Hyfforddiant 1973(3) i lwfans o dan y trefniadau a adnabyddir fel Y Fargen Newydd;
mae'r uchafswm cymorth sydd ar gael o dan reoliad 66(1) yn daladwy;
(b)pan fo'r incwm perthnasol yn llai na £16,110, mae'r uchafswm cymorth sydd ar gael o dan reoliad 66(1) yn daladwy;
(c)pan fo'r incwm perthnasol yn £16,110, mae'r uchafswm cymorth sydd ar gael o dan reoliad 66(1)(b) yn daladwy ynghyd â £50 yn llai na'r uchafswm cymorth sydd ar gael o dan reoliad 66(1)(a);
(ch)pan fo'r incwm perthnasol yn uwch na £16,110, ond yn llai na £24,295, mae'r uchafswm cymorth sydd ar gael o dan reoliad 66(1)(b) yn daladwy a swm y cymorth taladwy o dan reoliad 66(1)(a) yw'r swm a benderfynir arno yn unol â pharagraff (2);
(d)pan fo'r incwm perthnasol yn £24,295, mae'r uchafswm cymorth sydd ar gael o dan reoliad 66(1)(b) yn daladwy a swm y cymorth taladwy o dan reoliad 66(1)(a) yw £50;
(dd)pan fo'r incwm perthnasol yn uwch na £24,295 ond yn llai na £24,925, mae'r uchafswm cymorth sydd ar gael o dan reoliad 66(1)(b) yn daladwy ac nid oes unrhyw gymorth yn daladwy o dan reoliad 66(1)(a);
(e)pan fo'r incwm perthnasol yn £24,925 neu ragor ond yn llai na £26,915, nid oes unrhyw gymorth ar gael o dan reoliad 66(1)(a) a swm y cymorth taladwy o dan reoliad 66(1)(b) yw'r swm a adewir yn dilyn didynnu o'r uchafswm cymorth sydd ar gael o dan reoliad 66(1)(b) £1 am bob £2.00 cyflawn a fyddai'n peri i'r incwm perthnasol fynd dros £24,925;
(f)pan fo'r incwm perthnasol yn £26,915, nid oes unrhyw gymorth yn daladwy o dan reoliad 66(1)(a) ac mae swm y cymorth taladwy o dan reoliad 66(1)(b) yn £50;
(ff)pan fo'r incwm perthnasol yn uwch na £26,915, nid oes unrhyw gymorth yn daladwy o dan reoliad 66(1).
(2) Pan fo paragraff (1)(ch) yn berthnasol, penderfynir faint o gymorth sy'n daladwy o dan reoliad 66(1)(a) trwy ddidynnu o'r uchafswm cymorth sydd ar gael o dan reoliad 66(1)(a) un o'r symiau canlynol—
(a)£50 a £1 ychwanegol am bob £9.86 cyflawn a fyddai'n peri i'r incwm perthnasol fynd dros £16,110; neu
(b)pan fo'r ffioedd gwirioneddol yn llai na £930, cyfanswm sy'n hafal i'r hyn a adewir wedi didynnu o'r swm a gyfrifwyd o dan is-baragraff (a) y gwahaniaeth rhwng £930 a'r ffioedd gwirioneddol (oni bai bod y swm yn rhif negatif ac yn yr achos hwnnw telir yr uchafswm cymorth sydd ar gael o dan reoliad 66(1)(a)).
1992 p. 4; Diwygiwyd Rhan VII gan Ddeddf Tai 1991 (p. 52), Atodlen 19; Deddf Cyllid Llywodraeth Leol 1992 (p. 14), Atodlen 9 ac Atodlen 14; Deddf Ceiswyr Gwaith 1995 (p. 18), Atodlen 2 ac Atodlen 3; Deddf Tai 1996 (p. 52), Atodlen 19 Rhan 6; Deddf Diwygio Lles a Phensiynau 1999 (p. 30), Atodlen 8; Deddf Iechyd a Gofal Cymdeithasol 2001 (p. 15), Atodlen 6, Rhan 3; Deddf Credyd Pensiwn y Wladwriaeth 2002 (p. 16), Atodlen 2 ac Atodlen 3, Deddf Credydau Treth 2002 (p. 21), Atodlen 6; Deddf Treth Incwm (Enillion a Phensiynau) 2003 (p. 1), Atodlen 6, paragraffau 169 a 179, Deddf Partneriaeth Sifil 2004 (p. 33), Atodlen 24 a Deddf Diwygio Lles 2007 (p. 40), Atodlen 30(2) a 31(1), Atodlen 3, Atodlen 5 ac Atodlen 8.
1995 p. 18; diwygiwyd Rhan I gan Ddeddf Hawliau Cyflogaeth 1996 (p. 18), Atodlen 1; Deddf Nawdd Cymdeithasol 1998 (p. 14), Atodlenni 7 ac 8; Deddf Diwygio Lles a Phensiynau 1999 (p. 30), Atodlenni 1, 7 ac 8; Deddf Credyd Pensiwn y Wladwriaeth 2002 (p. 16), Atodlen 2; Deddf Cyfraniadau Yswiriant Gwladol 2002 (p. 19), Atodlen 1; Deddf Treth Incwm (Enillion a Phensiynau) 2003 (p. 18), Atodlen 6; Deddf Partneriaeth Sifil 2004 (p. 33), Atodlen 24 ac O.S. 2006/343.
1973 p. 50; diwygiwyd adran 2 fel y'i hamnewidiwyd gan Ddeddf Cyflogaeth 1988 (p.19) gan Ddeddf Cyflogaeth 1989 (p. 38), Atodlen 7. Mewnosodwyd is-adrannau (3A) a (3B) gan Ddeddf Diwygio Undebau Llafur a Hawliau Cyflogaeth 1993 (p. 19), adran 47 mewn perthynas â'r Alban yn unig.