Offerynnau Statudol Cymru
ADDYSG, CYMRU
Gwnaed
6 Medi 2010
Gosodwyd gerbron Cynulliad Cenedlaethol Cymru
7 Medi 2010
Yn dod i rym
1 Hydref 2010
Mae Gweinidogion Cymru, drwy arfer y pwerau a roddwyd iddynt gan adrannau 96(10) a 97(3) o Deddf Cydraddoldeb 2010(1), yn gwneud y Rheoliadau a ganlyn:
1.—(1) Enw'r Rheoliadau hyn yw Rheoliadau Deddf Cydraddoldeb 2010 (Rheoleiddiwr Cyrff Cymwysterau Cyffredinol a Chymwysterau Perthnasol) (Cymru) 2010.
(2) Mae'r Rheoliadau hyn yn dod i rym ar 1 Hydref 2010 ac maent yn gymwys o ran Cymru.
2. Mae Gweinidogion Cymru wedi eu rhagnodi fel y rheoleiddiwr priodol mewn perthynas â chorff cymwysterau sy'n rhoi cymwysterau yng Nghymru.
3. Mae'r cymwysterau a restrir yn yr Atodlen wedi eu rhagnodi'n gymwysterau perthnasol mewn perthynas â rhoi cymwysterau yng Nghymru.
Leighton Andrews
Y Gweinidog dros Blant, Addysg a Dysgu Gydol Oes, un o Weinidogion Cymru
6 Medi 2010
Rheoliad 3
1. Dyfarniadau Uwch Estynedig
2. Cymwysterau tystysgrif lefel mynediad
3. Cymwysterau Mathemateg Annibynnol
4. Sgiliau Gweithredol
5. Tystysgrif Addysg Gyffredinol lefel A (U ac UG)
6. Tystysgrif Gyffredinol Addysg Uwchradd
7. Y Fagloriaeth Ryngwladol
8. Sgiliau Allweddol a Sgiliau Hanfodol Cymru
9. Cymwysterau Prif Ddysgu a Phrosiect
10. Tystysgrif Graidd Cymhwyster Bagloriaeth Cymru
(Nid yw'r nodyn hwn yn rhan o'r Rheoliadau)
Mae'r Rheoliadau hyn yn rhagnodi mai'r rheoleiddiwr priodol at ddibenion adran 96 o Deddf Cydraddoldeb 2010 yw Gweinidogion Cymru. Caiff y rheoleiddiwr priodol bennu materion nad ydynt yn cael eu dal gan y ddyletswydd sydd ar gyrff cymwysterau o dan yr adran honno i wneud addasiadau rhesymol ar gyfer pobl anabl.
Mae'r Rheoliadau hyn yn rhagnodi hefyd mai'r cymwysterau a restrir yn yr Atodlen yw'r cymwysterau perthnasol at ddibenion adrannau 96 a 97 o Deddf Cydraddoldeb 2010.
2010 p.15. Cychwynnodd Gorchymyn Deddf Cydraddoldeb 2010 (Cychwyn Rhif 1) 2010 (O.S. 2010/1736) adrannau 96 a 97 ar 6 Gorffennaf 2010 i'r graddau y maent yn rhoi pŵer i wneud is-Deddfwriaeth neu ganllawiau neu'n ymwneud â'r pŵer i wneud hynny.