Rheolau Etholiadau Lleol (Prif Ardaloedd) (Pleidlais Sengl Drosglwyddadwy) (Cymru) 2023

Diwygio Rhan 3 o Atodlen 1 i Reolau 2021

3.—(1) Mae Rhan 3 o Atodlen 1 i Reolau 2021 wedi ei diwygio fel a ganlyn.

(2) Yn rheol 21 (y bleidlais i’w chynnal drwy bleidlais gudd), yn lle paragraff (2) rhodder—

“(2) Rhaid canfod y canlyniad—

(a)pan y system mwyafrif syml yw’r system bleidleisio sy’n gymwys i’r etholiad, yn unol â Rhan 4;

(b)pan y system pleidlais sengl drosglwyddadwy yw’r system bleidleisio sy’n gymwys i’r etholiad, yn unol â Rhan 4A.”.

(3) Yn rheol 22 (y papurau pleidleisio)—

(a)ym mharagraff (3), ar y dechrau mewnosoder “Pan y system mwyafrif syml yw’r system bleidleisio sy’n gymwys i’r etholiad,”;

(b)ar ôl paragraff (3) mewnosoder—

“(3A) Pan y system pleidlais sengl drosglwyddadwy yw’r system bleidleisio sy’n gymwys i’r etholiad, rhaid i bapur pleidleisio—

(a)bod yn y ffurf yn Atodiad 2A, a

(b)bod wedi ei argraffu yn unol â’r cyfarwyddydau yn yr Atodiad hwnnw.”.

(4) Yn rheol 28 (papurau pleidleisio post)—

(a)ym mharagraff (1)(b), yn lle “Atodiad 4” rhodder “yr Atodiad cymwys”;

(b)ar ôl paragraff (1) mewnosoder—

“(1A)  Ym mharagraff (1)(b), ystyr “yr Atodiad cymwys” yw—

(a)pan y system mwyafrif syml yw’r system bleidleisio sy’n gymwys i’r etholiad, Atodiad 4;

(b)pan y system pleidlais sengl drosglwyddadwy yw’r system bleidleisio sy’n gymwys i’r etholiad, Atodiad 4A.”.

(5) Yn rheol 31 (dyroddi cardiau pleidleisio swyddogol)—

(a)ym mharagraff (4), yn lle “Atodiad 5” rhodder “yr Atodiad cymwys”;

(b)ym mharagraff (6)(a), yn lle “Atodiad 5” rhodder “yr Atodiad cymwys”;

(c)ym mharagraff (7), o flaen is-baragraff (a) mewnosoder—

“(aa)ystyr “yr Atodiad cymwys” yw—

(i)pan y system mwyafrif syml yw’r system bleidleisio sy’n gymwys i’r etholiad, Atodiad 5;

(ii)pan y system pleidlais sengl drosglwyddadwy yw’r system bleidleisio sy’n gymwys i’r etholiad, Atodiad 5A.”.

(6) Yn rheol 32 (cyfarpar gorsafoedd pleidleisio)—

(a)ym mharagraff (9), yn lle “Atodiad 6” rhodder “yr Atodiad cymwys”;

(b)ar ôl paragraff (9) mewnosoder—

“(9A)  Ym mharagraff (9), ystyr “yr Atodiad cymwys” yw—

(a)pan y system mwyafrif syml yw’r system bleidleisio sy’n gymwys i’r etholiad, Atodiad 6;

(b)pan y system pleidlais sengl drosglwyddadwy yw’r system bleidleisio sy’n gymwys i’r etholiad, Atodiad 6A.”;

(c)ym mharagraff (11), ar y dechrau mewnosoder “Pan y system mwyafrif syml yw’r system bleidleisio sy’n gymwys i’r etholiad,”;

(d)ar ôl paragraff (11) mewnosoder—

“(12)  Pan y system pleidlais sengl drosglwyddadwy yw’r system bleidleisio sy’n gymwys i’r etholiad, rhaid dangos hysbysiad sy’n cynnwys yr wybodaeth a ganlyn y tu mewn i bob bwth pleidleisio ym mhob gorsaf bleidleisio—

(a)cyfarwyddyd i’r pleidleisiwr i roi’r rhif 1 yn y blwch pleidleisio gyferbyn â’i ddewis cyntaf;

(b)esboniad i’r pleidleisiwr y caiff wneud cynifer neu gyn lleied o ddewisiadau ychwanegol ag y dymuna, ynghyd â chyfarwyddyd ynghylch sut i wneud hyn drwy roi’r rhif 2 gyferbyn â’i ail ddewis, y rhif 3 gyferbyn â’i drydydd dewis ac yn y blaen.”.