Rheoliadau Taliadau Sŵn Priffyrdd (Cartrefi Symudol) (Cymru) 2001

Dehongli

2.  Yn y Rheoliadau hyn—

• ystyr “yr awdurdod” (“the authority”) mewn perthynas â phriffordd yw'r awdurdod priffyrdd a adeiladodd neu a newidiodd neu sy'n bwriadu adeiladu neu newid y briffordd honno;

• ystyr “buddiant anghymhwyso” (“disqualifying interest”) yw buddiant sy'n gymwys ar gyfer iawndal o dan Ran 1 o Ddeddf Iawndal Tir 197(1));

• mae i “cartref cymwys” (“eligible home”) yr ystyr a nodir yn rheoliad 7;

• ystyr “cartref symudol” (“moveable home”) yw —

  (a)

  carafán o fewn ystyr “caravan” fel y'i diffinir yn Rhan 1 o Ddeddf Safleoedd Carafanau a Rheoli Datblygu 1960(2) ac adran 13 o Ddeddf Safleoedd Carafanau 1968 (gan anwybyddu darpariaethau is-adran (2) o adran 13)(3), neu

  (b)

  cwch preswyl;

• ystyr “Cod 1988” (“the 1988 Code”) yw'r cyngor a'r cyfarwyddyd sydd wedi'u cynnwys yn y memorandwm technegol sy'n dwyn y teitl “Calculations of Road Traffic Noise” a gyhoeddwyd gan Wasg Ei Mawrhydi (1988);

• ystyr “cwch preswyl” (“houseboat”) yw cwch neu strwythur tebyg sydd wedi'i ddylunio neu wedi'i addasu i'w ddefnyddio fel cartref;

• mae i “cyfnod cymhwyso” (“qualifying period”) yr ystyr a nodir yn rheoliad 8;

• mesuriad yw “dB(A)” o lefel y pwysedd sŵn (pwysoliad “A”) mewn desibelau sy'n cael ei dangos gan offer mesur sy'n cydymffurfio â Manyleb y Safon Brydeinig ar gyfer mesurydd lefel swn manwl-gywir a gyhoeddwyd ar 14 Medi 1967 o dan rif B.S. 4197:1967;

• ystyr “dyddiad cychwyn” (“commencement date”) yw'r dyddiad y daw'r Rheoliadau hyn i rym;

• ystyr “dyddiad perthnasol” (“relevant date”) yw'r dyddiad yr oedd priffordd ar agor i draffig cyhoeddus am y tro cyntaf neu, yn achos priffordd sydd wedi'i newid, y dyddiad yr oedd ar agor i draffig cyhoeddus am y tro cyntaf ar ôl adeiladu'r newid;

• ystyr “gwaith perthnasol”(“relevant works”) yw'r gwaith ar gyfer adeiladu neu newid priffordd sy'n achosi'r sŵn sy'n arwain at bŵ er i wneud taliad sŵn neu y disgwylir iddo ei achosi;

• lefel y swn mewn dB(A) yr eir y tu hwnt iddi am ddegfed ran o gyfnod o un awr yw “L10”;

• cymedr rhifyddol pob lefel L10 yn ystod cyfnod o 0600 hyd at 2400 o'r gloch ar ddiwrnod gweithio arferol yw “L10 (18-awr)” (“L10(18-hour)”);

• ystyr “lefel benodedig” (“specified level”) yw lefel swn L10 (18-awr) o 68dB(A);

• ystyr “lefel sŵn gyffredinol” (“prevailing noise level”) yw lefel y sŵn, wedi'i mynegi fel lefel L10 (18-awr), un metr o flaen yr un mwyaf di-amddiffyn o unrhyw ffenestr neu ddrws ar wyneb mwyaf diamddiffyn unrhyw gartref symudol sy'n cael ei achosi gan draffig sy'n defnyddio unrhyw briffordd yn union cyn i waith adeiladu neu newid y briffordd ddechrau;

• ystyr “lefel sŵn berthnasol” (“relevant noise level”) yw lefel y sŵn, wedi'i mynegi fel lefel L10 (18-awr), un metr o flaen yr un mwyaf diamddiffyn o unrhyw ffenestr neu ddrws ar wyneb mwyaf diamddiffyn cartref symudol sy'n cael ei achosi gan draffig sy'n defnyddio priffordd berthnasol neu y disgwylir y bydd yn cael ei achosi ganddo;

• ystyr “newid” (“alteration”) mewn perthynas â phriffordd yw newid yn lleoliad, lled neu lefel lôn gerbydau sy'n rhan o'r briffordd honno (heblaw drwy osod wyneb newydd arni) neu adeiladu lôn gerbydau ychwanegol wrth ochr lôn gerbydau sy'n bodoli eisoes neu uwch ei phen neu islaw iddi ac mae “newid” (“alter”) ac “wedi'i newid” (“altered”) i'w dehongli yn yr un modd;

• mae “priffordd” (“highway”) yn cynnwys unrhyw ran o briffordd a'i ystyr yw priffordd neu ran o briffordd y gellir ei chynnal ar gost y cyhoedd fel y'i diffinnir yn adran 329(1) o Ddeddf Priffyrdd 1980(4);

• ystyr “priffordd berthnasol” (“relevant highway”) yw priffordd y digwyddodd y dyddiad perthnasol ar ei chyfer ar ôl 25 Medi 1990;

• mae i “taliad sŵn” (“noise payment”) yr ystyr a nodir yn rheoliad 3(5).