Enwi, cymhwyso a dehongli

1.  Enw'r Gorchymyn hwn yw Gorchymyn Deddf Addysg 2002 (Cychwyn Rhif 8) (Cymru) 2006.

2.  Mae'r darpariaethau sy'n cael eu dwyn i rym gan y Gorchymyn hwn yn cael eu dwyn i rym o ran Cymru.

3.  Yn y Gorchymyn hwn, oni nodir fel arall, mae cyfeiriadau at adrannau ac Atodlenni yn gyfeiriadau at adrannau o Ddeddf Addysg 2002 a'r Atodlenni iddi.

Diwrnodau penodedig

4.  Y diwrnod penodedig i'r darpariaethau a bennir yn yr Atodlen i'r Gorchymyn hwn ddod i rym yw 1 Chwefror 2006.

5.  Y diwrnod penodedig i adran 175 ddod i rym yw 1 Medi 2006.

Erthygl 4

YR ATODLENY darpariaethau sy'n dod i rym ar 1 Chwefror 2006

Nodyn Esboniadol

(Nid yw'r nodyn hwn yn rhan o'r Gorchymyn)

Mae'r Gorchymyn hwn yn dwyn i rym ar 1 Chwefror 2006 y darpariaethau hynny o Ddeddf Addysg 2002 a bennir yn yr Atodlen i'r Gorchymyn hwn.

Mae'r cyfeiriadau isod at adrannau ac Atodlenni (heb fanylion pellach) yn gyfeiriadau at adrannau o Ddeddf Addysg 2002 a'r Atodlenni iddi.

Yn achos darpariaethau sy'n cael eu dwyn i rym gan y Gorchymyn hwn ac sy'n diwygio deddfwriaeth sy'n bodoli eisoes, mae'r cyfeiriadau at yr Ysgrifennydd Gwladol yn y darpariaethau hynny i'w darllen, o ran Cymru, fel cyfeiriadau at Gynulliad Cenedlaethol Cymru — gweler adran 211.

Caiff y darpariaethau a bennir yn yr Atodlen i'r Gorchymyn hwn yr effaith a ganlyn—

Mae adran 47 yn diwygio Deddf Safonau a Fframwaith Ysgolion 1998 (“Deddf 1998”) o ran trefniadau derbyn i ysgolion a gynhelir. Nid yw'n ofynnol bellach i ysgolion fod â niferoedd safonol (sy'n ymwneud â nifer y disgyblion sydd i'w derbyn mewn blwyddyn ysgol). Wrth benderfynu trefniadau derbyn ar gyfer ysgol, bydd yn ofynnol i awdurdodau derbyn osod nifer derbyn. Bydd Rheoliadau a chanllawiau yn gwneud darpariaeth ar gyfer cyfrifo'r nifer hwnnw. Hyd nes bydd yr awdurdod derbyn wedi derbyn y nifer hwnnw o ddisgyblion, mae'r ddyletswydd i gydymffurfio â dewis rhiant yn gymwys. Mae adran 47 hefyd yn diwygio adran 86 o Ddeddf 1998 i ganiatáu ar gyfer niferoedd derbyn ar wahân i leoedd dydd a lleoedd byrddio pan fo ysgolion yn darparu llety byrddio.

Mae adran 48 yn diwygio Deddf 1998 i ganiatáu i Gynulliad Cenedlaethol Cymru wneud rheoliadau sy'n ei gwneud yn ofynnol i AALlau gyd-drefnu trefniadau derbyn i'r ysgol.

Mae adran 51 a'r darpariaethau a gychwynir yn Atodlen 4 yn gwneud diwygiadau pellach i Ddeddf 1998 o ran trefniadau derbyn i'r ysgol. Mae'r rhain yn cynnwys rhoi'r hawl i gyrff llywodraethu ysgolion cymuned ac ysgolion gwirfoddol gael ymgynghori â hwy ynglŷn â threfniadau derbyn y mae awdurdodau derbyn ysgolion eraill yn eu hardaloedd yn bwriadu eu gwneud.

Mae adran 175 yn gosod dyletswydd ar AALlau a chyrff lywodraethu ysgolion a gynhelir a sefydliadau Addysg Bellach, sy'n ei gwneud yn ofynnol iddynt wneud trefniadau mewn perthynas â lles plant. Yn ogystal, rhaid iddynt roi ystyriaeth i unrhyw ganllaw a gyhoeddir gan y Cynulliad Cenedlaethol wrth benderfynu pa trefniadau y mae'n rhaid iddynt eu gwneud er mwyn cydymffurfio â'u dyletswyddau.

Nodyn Orchymyn Cychwyn Blaenorol

(Nid yw'r nodyn hwn yn rhan o'r Gorchymyn)

Mae darpariaethau canlynol Deddf Addysg 2002 wedi'u dwyn i rym o ran Cymru drwy orchymyn cychwyn a wnaed cyn dyddiad y Gorchymyn hwn:

Mae amryw o ddarpariaethau Deddf Addysg 2002 wedi'u dwyn i rym o ran Lloegr gan yr Offerynnau Statudol canlynol: O.S. 2002/2002 (fel y'i diwygiwyd gan O.S. 2002/2018), O.S. 2002/2439 (fel y'i diwygiwyd gan O.S. 2003/606 (wedi'i ddirymu) a 2003/2992), O.S. 2002/2952, O.S. 2003/124, O.S. 2003/1115, O.S. 2003/1667, O.S. 2003/2071 ac O.S. 2004/1318.