Enwi, cymhwyso a chychwyn

1.  Enw'r Rheoliadau hyn yw Rheoliadau Bwyd at Ddefnydd Maethol Neilltuol (Diwygiadau Amrywiol) (Cymru) 2007; maent yn gymwys o ran Cymru a deuant i rym ar 15 Hydref 2007.

Diwygio Rheoliadau Fformiwla Fabanod a Fformiwla Ddilynol 1995

2.—(1) Diwygir Rheoliadau Fformiwla Fabanod a Fformiwla Ddilynol 1995(3) yn unol â pharagraff (2) i'r graddau y maent yn gymwys o ran Cymru.

(2) Yn rheoliad 22 (tramgwyddau a gorfodi)—

(a)ym mharagraff (1) mewnosoder ar y dechrau y geiriau “Subject to paragraph (2B),”; a

(b) yn syth ar ôl paragraff (2A) ychwaneger y paragraff canlynol—

“(2B) A person shall not be considered to have contravened or failed to comply with the provisions contained in regulation 2 where the sale which would otherwise have constituted a contravention of or a failure to comply with those provisions is the sale of an infant formula falling within the derogation set out in Article 1 of Commission Regulation (EC) No. 1609/2006 authorising the placing on the market of infant formulae based on hydrolysates of whey protein derived from cows' milk protein for a two-year period(4).”.

Diwygio Rheoliadau Bwydydd y Bwriedir eu Defnyddio mewn Deietau Cyfyngu-ar-ynni er mwyn Colli Pwysau 1997

3.—(1) Diwygir Rheoliadau Bwydydd y Bwriedir eu Defnyddio mewn Deietau Cyfyngu-ar-ynni er mwyn Colli Pwysau 1997(5) yn unol â pharagraff (2) i'r graddau y maent yn gymwys o ran Cymru.

(2) Yn rheoliad 4 (labelu, hysbysebu a chyflwyno) hepgorer y geiriau “or to a reduction in the sense of hunger or an increase in the sense of satiety”.

Diwygio Rheoliadau Bwyd Meddygol (Cymru) 2000

4.—(1) Diwygir Rheoliadau Bwyd Meddygol (Cymru) 2000(6) yn unol â pharagraff (2).

(2) Yn rheoliad 2 (dehongli), yn lle'r diffiniad o “y Gyfarwyddeb” (“the Directive”) rhodder y diffiniad canlynol—

“ystyr “y Gyfarwyddeb” (“the Directive”) yw Cyfarwyddeb y Comisiwn 1999/21/EC ar fwydydd deietegol at ddibenion meddygol arbennig(7) fel y'i diwygiwyd gan y Ddeddf ynghylch amodau ymaelodaeth y Weriniaeth Tsiec, Gweriniaeth Estonia, Gweriniaeth Cyprus, Gweriniaeth Latfia, Gweriniaeth Lithiwania, Gweriniaeth Hwngari, Gweriniaeth Malta, Gweriniaeth Gwlad Pwyl, Gweriniaeth Slofenia a Gweriniaeth Slofacia, a chan addasiadau i'r Cytuniadau sy'n sail i'r Undeb Ewropeaidd(8) a Chyfarwyddeb y Comisiwn 2006/82/EC sy'n addasu Cyfarwyddeb 91/321 ar fformiwlâu babanod a fformiwlâu dilynol a Chyfarwyddeb 1999/21/EC ar fwydydd deietegol at ddibenion meddygol arbennig, oherwydd ymaelodaeth Bwlgaria a Rwmania(9);”.

Diwygio Rheoliadau Bwyd at Ddefnydd Maethol Neilltuol (Ychwanegu Sylweddau at Ddibenion Maethol Penodol) (Cymru) 2002

5.—(1) Diwygir Rheoliadau Bwyd at Ddefnydd Maethol Neilltuol (Ychwanegu Sylweddau at Ddibenion Maethol Penodol) (Cymru) 2002(10) yn unol â pharagraff (2).

(2) Ym mharagraff (5) o reoliad 3 (cyfyngiadau ar werthu) yn lle'r geiriau “1 Ionawr 2007” rhodder y geiriau “1 Ionawr 2010”.

Diwygio Rheoliadau Bwydydd Proses sydd wedi'u Seilio ar Rawn a Bwydydd Babanod ar gyfer Babanod a Phlant Ifanc (Cymru) 2004

6.—(1) Diwygir Rheoliadau Bwydydd Proses sydd wedi'u Seilio ar Rawn a Bwydydd Babanod ar gyfer Babanod a Phlant Ifanc (Cymru) 2004(11) yn unol â pharagraff (2).

(2) Ym mharagraff (1) o reoliad 2 (dehongli), yn lle'r diffiniad o “y Gyfarwyddeb” (“the Directive”) rhodder y diffiniad canlynol—

““ystyr “y Gyfarwyddeb” (“the Directive”) yw Cyfarwyddeb y Comisiwn 2006/125/EC ar fwydydd proses sydd wedi'u seilio ar rawn a bwydydd babanod ar gyfer babanod a phlant ifanc(12);”.

Nodyn Esboniadol

(Nid yw'r nodyn hwn yn rhan o'r Rheoliadau.)

1.  Mae'r Rheoliadau hyn, sy'n gymwys o ran Cymru, yn diwygio'r Rheoliadau a enwir yn y paragraffau canlynol yn y modd a ddisgrifir yn y paragraffau hynny.

2.  Mae'r Rheoliadau hyn yn diwygio Rheoliadau Fformiwla Fabanod a Fformiwla Ddilynol 1995(O.S. 1995/77, fel y'i diwygiwyd, “Rheoliadau 1995”) i'r graddau y maent yn gymwys o ran Cymru i ddarparu ar gyfer gweithredu a gorfodi Rheoliad y Comisiwn (EC) Rhif 1609/2006 sy'n awdurdodi rhoi ar y farchnad fformiwla fabanod a seilir ar hydrolysadau o brotein maidd sy'n dod o brotein llaeth buwch am gyfnod o ddwy flynedd (OJ Rhif L299, 28.10.2006, t.9). Maent yn diwygio Rheoliadau 1995 i ddarparu nad ystyrir bod person wedi mynd yn groes i'r darpariaethau sydd yn rheoliad 2 i Reoliadau 1995 neu wedi methu cydymffurfio â hwy os yw'r gwerthiant, a fyddai fel arall wedi ffurfio toriad yn y darpariaethau hynny neu fethiant i gydymffurfio â hwy ac felly'n dramgwydd, yn werthiant o fformiwla babanod sy'n dod o fewn y rhanddirymiad a osodir yn Rheoliad y Comisiwn(EC) Rhif 1609/2006 (rheoliad 2(2)).

3.  Mae'r Rheoliadau hyn yn diwygio Rheoliadau Bwydydd y Bwriedir eu Defnyddio mewn Deietau Cyfyngu-ar-ynni er mwyn Colli Pwysau 1997 (O.S. 1997/2182, fel y'i diwygiwyd, “Rheoliadau 1997”) i'r graddau y maent yn gymwys o ran Cymru i weithredu Cyfarwyddeb y Comisiwn 2007/29/EC sy'n diwygio Cyfarwyddeb 96/8/EC ynghylch labelu, hysbysebu neu gyflwyno bwydydd a fwriedir ar gyfer deietau cyfyngu-ar-ynni er mwyn colli pwysau (OJ Rhif L139, 31.5.2007, t.22). Maent yn diwygio Rheoliadau 1997 i ddarparu ar gyfer tynnu'r gwaharddiad ar werthu bwydydd penodol lle y mae'r labelu, yr hysbysebu neu'r cyflwyno yn cyfeirio at leihad yn yr ystyr o newyn neu gynnydd yn yr ystyr o syrffed bwyd (rheoliad 3(2)).

4.  Mae'r Rheoliadau hyn yn diwygio Rheoliadau Bwyd Meddygol (Cymru) 2000 (O.S. 2000/1866 (Cy.125), fel y'i diwygiwyd, “Rheoliadau 2000”) i weithredu Cyfarwyddeb y Comisiwn 2006/82/EC sy'n addasu Cyfarwyddeb 91/321/EEC ar fformiwlâu babanod a fformiwlâu dilynol a Chyfarwyddeb 1999/21/EC ar fwyd deietegol at ddibenion meddygol arbennig, oherwydd ymaelodaeth Bwlgaria a Rwmania (OJ Rhif L362, 20.12.2006, t.94). Maent yn diwygio Rheoliadau 2000 drwy amnewid diffiniad diwygiedig o “y Gyfarwyddeb” (i gymryd ystyriaeth o Gyfarwyddeb y Comisiwn 2006/82/EC) yn lle'r diffiniad presennol o “y Gyfarwyddeb” yn rheoliad 2 (dehongli) (rheoliad 4(2)).

5.  Mae'r Rheoliadau hyn yn diwygio Rheoliadau Bwyd at Ddefnydd Maethol Neilltuol (Ychwanegu Sylweddau at Ddibenion Maethol Penodol) (Cymru) 2002 (O.S. 2002/2939 (Cy.280), fel y'i diwygiwyd, “Rheoliadau 2002”) i weithredu Cyfarwyddeb y Comisiwn 2007/26/EC sy'n diwygio Cyfarwyddeb 2004/6/EC i ymestyn ei gyfnod cymhwyso (OJ Rhif L118, 8.5.2007, t.5). Maent yn diwygio Rheoliadau 2002 i ddarparu na fydd cyfyngiadau penodol sydd yn y Rheoliadau hynny yn gymwys ar gyfer sylweddau penodol tan 1 Ionawr 2010 (rheoliad 5(2)).

6.  Mae'r Rheoliadau hyn yn diwygio Rheoliadau Bwydydd Proses sydd wedi'u Seilio ar Rawn a Bwydydd Babanod ar gyfer Babanod a Phlant Ifanc (Cymru) 2004 (O.S. 2004/314 (Cy.32), fel y'i diwygiwyd, “Rheoliadau 2004”) i weithredu Cyfarwyddeb y Comisiwn 2006/125/EC ar fwydydd proses sydd wedi'u seilio ar rawn a bwydydd babanod ar gyfer babanod a phlant ifanc (OJ Rhif L339, 6.12.2006, t.16). Maent yn diwygio Rheoliadau 2004 drwy amnewid diffiniad diwygiedig o “y Gyfarwyddeb” (fel ei fod bellach yn cyfeirio at Gyfarwyddeb y Comisiwn 2006/125/EC) yn lle'r diffiniad presennol o “y Gyfarwyddeb” ym mharagraff (1) o reoliad 2 (dehongli) (rheoliad 6(2)).

7.  Mae asesiad effaith rheoleiddiol llawn o'r effaith y bydd yr offeryn hwn yn ei gael ar gostau busnes a'r sector gwirfoddol ar gael gan yr Asiantaeth Safonau Bwyd, Llawr 11, Southgate House, Wood Street, Caerdydd, CF10 1EW.