Rheoliadau Tribiwnlysoedd Prisio Lesddaliadau (Gweithdrefn) (Cymru) 2004

Rheoliad 3

ATODLEN 1Disgrifiad o'r Ceisiadau

Rhyddfreinio ac estyn lesoedd

1.  Ceisiadau o dan —

(a)adran 21 o Ddeddf Diwygio Cyfraith Lesddaliad 1967(1) ;

(b)adran 13 o Ddeddf 1987;

(c)adran 31 o'r Ddeddf honno;

(ch)adran 24 o Ddeddf 1993;

(d)adran 25 o'r Ddeddf honno;

(dd)adran 27 o'r Ddeddf honno;

(e)adran 48 o'r Ddeddf honno;

(f)adran 51 o'r Ddeddf honno;

(ff)adran 88 o'r Dddeddf honno;

(g)adran 91 o'r Ddeddf honno;

(ng)adran 94 o'r Ddeddf honno; a

(h)paragraff 2 o Atodlen 14 i'r Ddeddf honno.

Taliadau gwasanaeth, taliadau gweinyddol a thaliadau ystad

2.  Ceisiadau o dan —

(a)adran 20ZA o Ddeddf 1985(2);

(b)adran 27A o'r Ddeddf honno(3);

(c)paragraff 8 o'r Atodlen i'r Ddeddf honno(4));

(ch)adran 159 o Ddeddf 2002;

(d)paragraff 3 o Atodlen 11 i'r Ddeddf honno; a

(dd)paragraff 5 o Atodlen 11 i'r Ddeddf honno.

Cynlluniau rheoli ystadau

3.  Ceisiadau o dan Bennod 4 o Ran 1 i Ddeddf 1993.

Hawl i reoli

4.  Ceisiadau o dan —

(a)adran 84 o Ddeddf 2002;

(b)adran 85 o'r Ddeddf honno;

(c)adran 88 o'r Ddeddf honno;

(ch)adran 94 o'r Ddeddf honno;

(d)adran 99 o'r Ddeddf honno; a

(dd)paragraff 5 o Atodlen 6 i'r Ddeddf honno.

Penodi rheolwr

5.  Ceisiadau o dan —

(a)adran 22 o Ddeddf Landlord a Thenant 1987; a

(b)adran 24 o'r Ddeddf honno.

Amrywio lesoedd

6.  Ceisiadau o dan Ran 4 o Ddeddf 1987.

Cost achosion

7.  Ceisiadau o dan adran 20C o Ddeddf 1985.

Rheoliad 3

ATODLEN 2Manylion Ceisiadau

Rhyddfreinio ac estyn lesoedd

1.—(1) Copi o unrhyw hysbysiad a gyflwynir mewn perthynas â'r rhyddfraint.

(2) Enw a chyfeiriad y rhydd-ddeiliad ac unrhyw landlord canol.

(3) Enw a chyfeiriad unrhyw berson sydd â morgais neu unrhyw arwystl arall dros fuddiant yn y tir a'r adeiladau sy'n destun y cais ac a ddelir gan y rhydd-ddeiliad neu unrhyw landlord arall.

(4) Pan wneir cais o dan adran 21(2) o'r Ddeddf Diwygio Cyfraith Lesddaliad 1967(5), enw a chyfeiriad yr is-denant, a chopi o unrhyw gytundeb ar gyfer yr is-denantiaeth.

(5) Pan wneir cais o dan adran 13 o Ddeddf 1987(6), y dyddiad pryd cafodd y landlord yr eiddo a thelerau'r caffael gan gynnwys unrhyw symiau a dalwyd.

Taliadau gwasanaeth, taliadau gweinyddol a thaliadau ystad

2.—(1) Pan wneir cais o dan adran 27A o Ddeddf 1985, enw a chyfeiriad ysgrifennydd unrhyw gymdeithas tenantiaid gydnabyddedig.

(2) Pan wneir cais o dan baragraff 3 o Atodlen 11 i Ddeddf 2002, drafft o'r amrywiad arfaethedig.

(3) Copi o'r les neu, pan fydd yn briodol, copi o'r cynllun rheoli ystad.

Taliadau o dan gynlluniau rheoli ystadau

3.—(1) Copi o unrhyw gytundeb rheoli ystâd neu'r cynllun rheoli ystad arfaethedig.

(2) Datganiad bod y ceisydd naill ai —

(a)yn fod dynol;

(b)yn gorff cynrychioladol o fewn ystyr adran 71(3) o Ddeddf 1993; neu

(c)yn awdurdod perthnasol o fewn ystyr adran 73(5) o'r Ddeddf honno.

(3) Pan wneir cais o dan adran 70 o Ddeddf 1993, copi o'r hysbysiad a roddir gan y ceisydd o dan adran 70(4) o'r Ddeddf honno.

(4) Os digwydd y canlynol—

(a)bod cais i gymeradwyo'r cynllun;

(b)bod cais i gymeradwyo addasu ardal cynllun sydd eisoes yn bodoli; neu

(c)bod cais i gymeradwyo amrywio cynllun sydd eisoes yn bodoli,

disgrifiad o ardal —

(i)y cynllun arfaethedig;

(ii)yr addasiad arfaethedig; neu

(iii)yr amrywiad arfaethedig,

gan gynnwys dull o adnabod yr ardal drwy gyfrwng map neu blan.

(5) Pan wneir cais o dan adran 70 o Ddeddf 1993, copi o unrhyw gydsyniad a roddir gan Gynulliad Cenedlaethol Cymru o dan adran 72(1) o'r Ddeddf honno.

Hawl i reoli

4.—(1) Enw a chyfeiriad ar gyfer cyflwyno i'r cwmni Hawl i Reoli (o fewn ystyr Pennod 1 o Ran 2 o Ddeddf 2002)(7).

(2) Enw a chyfeiriad y rhydd-ddeiliad, unrhyw landlord canol ac unrhyw reolwr.

(3) Copi o femoradwm ac erthyglau cymdeithasiad y cwmni Hawl i Reoli.

(4) Pan wneir cais o dan adran 84(3) o Ddeddf 2002, copi o'r hysbysiad hawlio a chopi o'r gwrth-hysbysiad sy'n dod i law.

(5) Pan wneir cais o dan adran 85(2) o Ddeddf 2002 —

(a)datganiad bod gofynion adrannau 78 a 79 o Ddeddf 2002 wedi cael eu cyflawni;

(b)copi o'r hysbysiad a roddir o dan adran 85(3) o Ddeddf 2002 ynghyd â datganiad bod yr hysbysiad hwnnw wedi cael ei gyflywno i bob un o'r tenantiaid cymwys;

(c)datganiad sy'n disgrifio'r amgylchiadau pan na ellir cadarnhau pwy yw'r landlord neu pan na ellir dod o hyd iddo.

(6) Pan wneir cais o dan adran 94(3) o Ddeddf 2002, amcangyfrif o swm y taliadau gwasanaeth sydd heb eu neilltuo sydd wedi cronni.

(7) Pan wneir cais o dan adran 99(1) o Ddeddf 2002, disgrifiad o'r gymeradwyaeth a chopi o'r les berthnasol.

(8) Pan fydd cais o ddisgrifiad a bennir ym mharagraff 5 o Atodlen 6 i Ddeddf 2002, y dyddiad a'r amgylchiadau pryd peidiodd yr hawl i arfer yr hawl i reoli o fewn y pedair blynedd ddiwethaf.

Penodi rheolwr

5.—(1) Ac eithrio pan wneir cais o dan adran 22(3) o Ddeddf 1987, copi o'r hysbysiad a gyflwynir o dan adran 22 o'r Ddeddf honno.

(2) Pan wneir cais o dan adran 24(9) o'r Ddeddf honno, copi o'r gorchymyn rheoli.

Amrywio lesoedd

6.—(1) Enwau a chyfeiriadau unrhyw berson y cyflwynir hysbysiad iddo yn unol â Rheoliad 4 o'r rheoliadau hyn.

(2) Drafft o'r amrywiad a geisir.